406. Mfurahini, Haleluya

1.  K:  Mfurahini, Haleluya,

        Mkombozi amefufuka. 

        Amefufuka, Haleluya. 

        Msifuni sasa yu hai. 

    W:  /:Tumwimbie sote 

         Yesu ametoka kaburini. 

        Kashinda kifo, Haleluya,

        Haleluya, Yesu yu hai.:/

2.  K:  Amefufuka Mkombozi,

        Haleluya, tushangilie.

        Nguvu za mwovu  

        ameshinda 

        Ametuondoa kufani.  

    W:  /: Tumwimbie sote...

3.  K:  Malaika aliwaambia 

        wanawake, “Msiogope. 

        Sasa kaburi lipo tupu, 

        kwani Yesu amefufuka.”

    W:  /:Tumwimbie sote...

4.  K:  “Amebatilisha Shetani. 

         Amewaletea wokovu.

         Kwa hiyo ninyi mtangaze, 

         ni hakika Yesu yu hai.” 

    W:  /: Tumwimbie sote...

5.  K:  Na sisi sote tumtukuze.

        Yesu Kristo amefufuka. 

        Tumwimbieni, Haleluya,

        siku ya tatu kafufuka. 

    W:  /: Tumwimbie sote...

6.  K:  Yu hai Kristo, Mkombozi.

        Ametushindia milele.

        Mauti haina nguvu tena,

        Kwani Yesu hutushindia. 

    W:  /: Tumwimbie sote...